Saakaşvili: "Bu gün həbsxananın yanında olan insanlara çox təşəkkür edirəm, bəxtim üzümə güldü ki, onlara səslənə bildim"

"Bu gün həbsxananın yanında olan insanlara çox təşəkkür edirəm, bəxtim üzümə güldü ki, onlara səslənə bildim - "Sizi sevirəm" və ümid edirəm ki, bu söz qulaqlarınıza çatdı".

InterPress.ge xəbər verir ki, Gürcüstanın üçüncü prezidenti Mixail Saakaşvili növbəti məktub paylaşaraq tərəfdarlarına müraciət edib.

"Bəli, mən bütün azadlığı sevən gürcüləri və Gürcüstanı sevirəm!

Hər gün fiziki cəhətdən zəifləyə bilərəm, amma mənəvi cəhətdən hər keçən gün güclənirəm", - Mixail Saakaşvili yazıb.

Məlumat üçün bildirək ki, Rustavi həbsxanasında olan Saakaşvili bu gün etirazçıları həbsxana kamerasından salamlayıb.