Üçüncü gündür ki, Bolnisidə koronavirusa yeni yoluxma halı qeydə alınmayıb

Üçüncü gündür ki, Bolnisidə koronavirusa yeni yoluxma halı qeydə alınmayıb.

InterPress.ge 1tv-yə istinadən xəbər verir ki, dünən tədqiq olunmaq üçün göndərilən yeddi şəxsin nümunəsinin cavabı mənfi olub.

Şəxslərdən dörd nəfər hərarət mərkəzinin pasiyenti, üçü isə məqsədli qrupun nümayəndəsi idi.

Altı may tarixindən sonra Bolnisidə koronavirusa yoluxma halı qeydə alınmayıb.

Bu günə kimi, Bolnisidə 120 təsdiqlənmiş hal və 25 sağalan pasiyent var, üç nəfər dünyasını dəyişib, 285 nəfər özünü təcrid edib, 96 nəfər isə karantin rejimindədir.