Bakıda yük maşını avtobusa çırpılıb, 5 nəfər ölüb, 21 nəfər yaralanıb

Azərbaycanın paytaxdı Bakı şəhərinin Aeroport yolunda yük maşınının sərnişin avtobusuna çırpılması nəticəsində xəsarət alan 21 nəfər xəstəxanaya çatdırılıb. 

InterPress.ge xəbər verir ki, bu barədə “Report”a Bakı Şəhər Təcili və Təxirəsalınmaz Tibbi Yardım Stansiyasından məlumat verilib.

Onlardan 11-i kişi, 10-u qadındır. 

Xəsarət alanlardan 8 nəfər Kliniki Tibbi Mərkəzə, 13 nəfər isə 3 saylı Kliniki Şəhər Xəstəxanasına yerləşdirilib.

Qəzada beş nəfər həyatını itirib.