“Toyota” Ginnessin rekorduna imza atıb

“Toyota Mirai” avtomobili 2021-ci ildə hidrogenlə işləyən maşınlar arasında uzaq məsafəyə gediş üzrə dünya rekorduna imza atıb.

Bu barədə InterPress.ge yapon markasının mətbuat xidmətinə istinadən xəbər verir.

“Toyota Mirai” əlavə yanacaq doldurmadan iki gün ərzində 1 360 kilometr məsafə qət edərək, Ginnessin “Rekordlar” kitabına düşüb. Səfər bu ilin avqustunun ikinci yarısında ümumi istifadə edilən yollar üzrə olub və Cənubi Kaliforniyada baş tutub. “Rekordlar” kitabının nümayəndələri səfəri müşahidə edib.