Tbilisidə koronavirusa görə 55 uşaq bağçası bağlanıb

Tbilisidə 186 dövlət uşaq bağçasından 55-i koronavirusa görə bağlanıb.

InterPress.ge xəbər verir ki, bu barədə Tbilisi Uşaq Bağçaları İdarəetmə Agentliyindən məlumat verilib.

Uşaq bağçaları 12 günlük karantindən sonra fəaliyyətini bərpa edəcək.

Eyni zamanda, məlumata görə, 32 uşaq bağçasında koronavirusa yoluxma halı uşaqlarda, 23-də isə bağça işçisində qeydə alınıb.

Məlumat üçün bildirək ki, bağçaların fəaliyyəti oktyabrın 4 -də bərpa edilib.