Tamar Qabunia: "Vahid Milli İmtahanlar təhlükəsiz şəkildə keçiriləcək"

Gələn həftə imtahanların hansı təhlükəsizlik standardlarına görə keçiriləcəyi məlum olacaq.

InterPress.ge xəbər verir ki, bu barədə Gürcüstanın Birinci Kanalına Səhiyyə nazirinin müavini, Tamar Qabunia bildirib.

Onun sözlərinə görə, əməl olunması mühüm olan əsas standardlara məsafə, gigyena normaları və havalandırma daxildir.

″İmtahanlar təhlükəsiz şəkildə keçiriləcək. Müvafiq mühitin yaradılması üçün lazımi şəraitə sahibik. Nəsə bir problemin yaranacağını zənn etmirəm. Detalları Təhsil Nazirliyi gələn həftə təqdim edəcək. Əsas olan odur ki, məsafə, gigyena normaları və havalandırma kimi standardlara əməl olunsun. Model hazırlanan kimi ictimaiyyətə təqdim olunacaq″- deyə Qabunia bildirib.