Rustavi Həbsxanası yaxınlığında polis ilə fəallar arasında qarşıdurma baş verdi - Saxlanılanlar var

Rustavi Həbsxanası yaxınlığında hüquq -mühafizə orqanlarının əməkdaşları ilə fəallar arasındakı qarşıdurma zamanı bir neçə fəal saxlanılıb.

InterPress.ge xəbər verir ki, saxlanılmadan əvvəl mülki fəallarla polis arasında şifahi qarşıdurma baş verib.

Fəalların dediklərinə görə, saxlanılanlar Vahid Milli Hərəkatın üzvü Zviad Kuprava, Laşa Çuçkiridze və Gimi Delibaşvilidir. Vətəndaş fəalları divarlara "Mişaya azadlıq" yazmağa çalışıblar, lakin polis onlara icazə verməyib.

Fəallardan birinin vəziyyəti pisləşib və hadisə yerinə təcili yardım çağırılıb.