Batumida bina çökdü - Dağıntılar altında qalan var - FOTO

Batumidə, 26 May küçəsində yaşayış binası çöküb.

InterPress.ge xəbər verir ki, hazırda yanğınsöndürən-xilasetmə xidmətinin əməkdaşları və hüquq -mühafizə orqanları hadisə yerindədir.

Şahidlər Batumidə 5 mərtəbəli binanın girişinin çökməsi ilə bağlı bəzi detallardan danışıblar.

Yerli sakinlərdən birinin sözlərinə görə, partlayışdan sonra bina çöküb.

"Əvvəl səs gəldi, sonra çökdü, yəqin bir şey partladı", - şahidlərdən biri deyib.

Hazırda çökmüş yaşayış binasından əhali təxliyə olunur.

Xilasedicilər yanğınsöndürmə pilləkənləri vasitəsi ilə bina sakinlərini eyvandan çıxarırlar.

Məlumata görə, xilasetmə qrupları dağıntılar altından bir uşaq da çıxarıb.

Hüquq -mühafizə orqanları xüsusi lentlə ətrafı mühasirəyə alıb.