SON DƏQİQƏ! Saakaşvili növbəti video paylaşdı və çağırış etdi - VİDEO
"Sizi Batumidən salamlayıram. Görürsünüz ki, həyatımı, azadlığımı, hər şeyi buraya gəlmək üçün riskə atdım".
InterPress.ge xəbər verir ki, bunu Gürcüstanın keçmiş prezidenti Mixail Saakaşvili Facebook səhifəsində yaydığı videoda deyib.
O, seçiciləri oktyabrın 2 -də seçkiyə getməyə və sonra Azadlıq Meydanında toplaşmağa çağırıb.
"Oktyabrın 2 -də getməli və hamımız səs verməliyik. 3 oktyabrda toplaşmalı, Azadlıq Meydanını, Rustavelini doldurmalıyıq. 100 min insan olsaq, heç kim bizi məğlub edə bilməz və Gürcüstan yenidən inkişaf yolunda dayanacaq. Bu yoxsulluq və dəhşət sona çatacaq. Sizə ümid edirəm. Görürsünüz ki, həyatımı, azadlığımı, hər şeyi bura gəlmək üçün riskə atdım. Sizdən yalnız bir şey istəyirəm, seçkiyə gedin, qorxmayın, əllərinizi bir-birinizdən ayırmayın, hər şey yaxşı olacaq. Növbəti görüşə qədər, tezliklə Tbilisidə", - Saakaşvili video müraciətində bildirib.
