Gürcüstan iqtisadiyyatında artım olub

2021 -ci ilin avqust ayında, əvvəlki ilin eyni dövrü ilə müqayisədə, real ÜDM artımı yüzdə 10,3, 2021 -ci ilin ilk səkkiz ayı üçün ortalaması isə 12,0 faiz təşkil edib.

InterPress.ge xəbər verir ki, bu barədə Milli Statistika Xidmətinin məlumatında qeyd olunub.

Geostatın verdiyi məlumata görə, 2021 -ci ilin avqust ayında bir əvvəlki ilin eyni dövrü ilə müqayisədə istehsal, maliyyə və sığorta fəaliyyəti, ticarət, elektrik, qaz, buxar və kondisioner təchizatı, otel və restoranlar, nəqliyyat və saxlama, incəsənət, əyləncə və istirahət kimi sahələrdə artım müşahidə edilib.

Tikinti və mədən sənayesində azalma tendensiyası müşahidə olunub.