Polis külli miqdarda narkotik ələ keçirdi - İki nəfər saxlanıldı
Acarıstan və İmereti polisi narkotik alverçisi də daxil olmaqla narkotik cinayətlərinə görə 2 nəfəri saxlayıb - külli miqdarda "kokain" və 147 həb "Suboksin" ələ keçirilib.
InterPress.ge xəbər verir ki, bu barədə Daxili İşlər Nazirliyi məlumat yayır.
Daxili İşlər Nazirliyinin Acarıstan Polis Departamentinin Kobuleti Rayon Şöbəsinin və İmereti, Raca-Leçxumi və Kvemo Svaneti Polis Departamentinin əməkdaşları keçirdikləri əməliyyat-axtarış və istintaq tədbirləri nəticəsində müxtəlif vaxtlarda narkotik cinayətlərinə görə iki əcnəbi vətəndaşı - 1991-ci il təvəllüdlü U.H. və 1975-ci il təvəllüdlü M.İ.-ni saxlayıblar.
"Kobuleti rayon şöbəsinin əməkdaşları U.H.-nı külli miqdarda narkotik vasitələrin qanunsuz alınması, saxlanması və satışı ittihamı ilə Batumidə saxladı.
İstintaq müəyyən etdi ki, təqsirləndirilən şəxs qanunsuz olaraq narkotik vasitələri satıb.
Hakimin qərarı əsasında, hüquq-mühafizə orqanları şübhəlinin narkotik alqı-satqısı və sözügedən alqı-satqının gizli audio-video qeydini aparıblar.
Batumidə polis, təqsirləndirilən şəxsin şəxsi axtarışları nəticəsində narkotik vasitələrin qanunsuz satışı nəticəsində əldə etdiyi pulu - 5000 larini ələ keçirdi. Hüquq -mühafizə orqanlarının əməkdaşları həmçinin, saxlanılan şəxsin qanunsuz olaraq satdığı külli miqdarda narkotik maddə "kokain"i sübut kimi götürdülər.
Cinayətdə 14 ilədək həbs cəzası nəzərdə tutulur.
Təqsirləndirilən M.İ.-ni İmereti, Raca-Leçxumi və Kvemo Svaneti Polis Şöbələrinin əməkdaşları külli miqdarda narkotik vasitələri qanunsuz olaraq almaq və saxlamaq ittihamı ilə Xelvaçauri Bələdiyyəsinin Axalsopeli kəndində saxladılar.
Hüquq mühafizə orqanları saxlanılan şəxsin şəxsi axtarışları zamanı sübut kimi buprenorfin tərkibli 147 həb "Suboksin" və pul götürdülər.
Cinayətdə 8 ildən 20 ilədək və ya ömürlük həbs cəzası nəzərdə tutulur.
Külli miqdarda narkotik vasitənin qanunsuz olaraq alınması və saxlanması, külli miqdarda narkotik vasitənin qanunsuz olaraq alınması- saxlanması və satılması faktları üzrə Gürcüstan Cinayət Məcəlləsinin 260 -cı maddəsinin 3 -cü hissəsi, 5-ci hissəsi və 6-cı hissəsinin "a" yarımbəndləri ilə istintaq davam etdirilir", - məlumatda qeyd olunub.
