Gürcüstan bir nəfərin karantində saxlanması üçün nə qədər xərc çəkir?

Dövlət bir nəfərin karantin zonasında saxlanması üçün bir günə 100 lari ayırır.

InterPress.ge xəbər verir ki, hal hazırda Milli Turizm Administrasiyası 5 mindən çox insan üçün nəzərdə tutulmuş 90-a yaxın karantin zonası fəaliyyət göstərir. Karantin zonalarına çevrilən otellərdə xaricdən qayıdan bütün vətəndaşlar yerləşdirilir.

Həkimlər karantin yerində sutka ərzində səfərbər olunur. Otellərin xarici perimetrində təhlükəsizlik patrul polisi tərəfindən təmin edilir.

Xəstəxana çarpayılarına gəlincə, dövlət hər çarpayı üçün klinikalara gündə 100 ilə 120 GEL arasında pul ödəyir. Dövlət 80 çarpayılıq klinikalara gündə yüz lari, 80 çarpayıdan çox olan xəstəxanalar üçün isə 120 lari ödəyir.

Dövlət PCR metodundan istifadə edildiyi təqdirdə koronavirus testi üçün də pul ödəyir. Məbləğ 150 GEL təşkil edir. Sürətli sınaqlar zamanı kompensasiya 20 GEL təşkil edir.

Ümumilikdə bu proqram üçün dövlət büdcəsindən 89 milyon 900 min lari ayrılıb. /sputnik/