MSK sözçüsü: "Dairə və məntəqə seçki komissiyalarının üzvlərinə təzyiq faktları son vaxtlar artdı"
"Dairə və məntəqə seçki komissiyalarının üzvlərinə təzyiq faktları son vaxtlar artdı".
InterPress.ge xəbər verir ki, bu barədə MSK sözçüsü Natia İoseliani brifinqdə bildirib.
Onun sözlərinə görə, məntəqə seçki komissiyalarına müdaxilələr, habelə komissiya üzvlərinə qarşı təhqiramiz ifadələr və təhdid tərkibli telefon zəngləri, nifrət dolu sözlər olub, onların fəaliyyətinə müdaxilə və maneçilik törədilib. Bəzi hallarda müşahidəçilərin təxribat törətmək üçün səlahiyyətlərini aşmaq cəhdi olub.
Onun dediyinə görə, bu hərəkətlər seçki komissiyalarının fəaliyyətinə mane olur və qəsdən seçki prosesinə xələl gətirir.
“Bu, təkcə seçki idarəsinə deyil, ümumilikdə seçki mühitinə zərər vurmaq cəhdidir və açıq şəkildə insanların seçki idarəçiliyinə olan inamını itirməyə və nüfuzuna xələl gətirməyə yönəlib. Seçki idarəsi peşəkar standartları rəhbər tutur, fəaliyyətini açıq və şəffaf şəkildə həyata keçirir, baxmayaraq ki, seçki idarəsi ilə birlikdə seçki prosesində iştirak edən tərəflər də demokratik və ədalətli seçkilərin keçirilməsindən məsuldur. Bu səbəbdən seçkilərdə iştirak edən seçki subyektləri və müşahidəçi təşkilatları səlahiyyətlərindən kənara çıxmamağa, seçki komissiyalarının işinə mane olmamağa çağırırıq, çünki bu komissiyalar 2 oktyabr seçkilərini təşkil etməlidir. Seçkilərə cəmi 5 gün qalıb və bu müddət ərzində seçki idarəsi bütün səviyyələrdə tam gücü ilə işləyir ki, seçicilər azad və təhlükəsiz bir mühitdə seçim edə bilsinlər. Seçki idarəsi, həmçinin yerli və beynəlxalq müşahidəçiləri, medianı seçki prosesini fəal şəkildə izləməyə, hər bir faktı qeydə almağa və prosesin şəffaflığını və seçkilərin etibarlılığını təşviq etməyə çağırır", - İoseliani deyib.
