Həbsxanalarda uzunmüddətli ziyarətlərə qoyulan məhdudiyyət ləğv edildi

Sentyabrın 27-dən bütün cəzaçəkmə müəssisələrində uzunmüddətli ziyarətlərə qoyulan məhdudiyyət götürülüb.

InterPress.ge xəbər verir ki, Xüsusi Penitensiar Xidmət uzunmüddətli görüşlərin açılması qərarını Milli Xəstəliklərə Nəzarət və Xalq Sağlamlığı Mərkəzi (NCDC) və Səhiyyə Nazirliyinin tövsiyələrinə əsasən qəbul edib.

Xüsusi Penitensiar Xidmətdən verilən məlumata görə, yalnız iki dəfə peyvənd olunmuş təqsirləndirilənlər / məhkumlar uzun müddətli görüşlərdən faydalana biləcəklər. Ziyarətçilərin qəbuluna gəlincə, təqsirləndirilən şəxsləri / məhkumları ziyarət etməyə yalnız tam peyvənd edilmiş və müvafiq sənədi təqdim edən şəxslərə icazə veriləcəkdir.