Muradaşvili: "Qardaş azərbaycanlılarımızın maraqlarını qorumaq üçün əlimdən gələni edəcəyəm"

"Azərbaycanlıların yaşadığı böyük kəndlərdə gözəl uşaq bağçalarının, məktəblərin olmasını, uşaqların inteqrasiya olunmasını və gürcü dilini yaxşı bilməsini istəyirəm".

InterPress.ge xəbər verir ki, bunu "Gürcü Arzusu"nun Dmanisi merliyinə namizədi Koba Muradaşvili deyib. 

"Azərbaycanlıların yaşadığı böyük kəndlərdə gözəl uşaq bağçalarının, məktəblərin olmasını, uşaqların inteqrasiya olunmasını və gürcü dilini yaxşı bilməsini istəyirəm. Onların övladlarının uğurlu olmalarına kömək edəcəm. Qardaş azərbaycanlılarımızın maraqlarını qorumaq üçün əlimdən gələni edəcəyəm. Əminəm ki, mənim onlara münasibətimi, hislərimi, sevgimi hiss edirlər və mənə dəstək olacaqlar", - Muradaşvili bəyan edib.