Batumidə anbarlardan birində 2 tona qədər çürük ət aşkarlanıb

Batumidəki anbarlardan birində iki tona qədər çürümüş ət məhsulları aşkar edilib.  

InterPress.ge xəbər verir ki, satışa hazırlanan məhsullar "Keyfiyyətə Nəzarət" proqramı vasitəsilə Kutaisi küçəsində ət dükanının yanındakı anbarda tapılıb.

Bu məhsulların artıq bir hissəsinin satıldığı ehtimal olunur. Milli Qida Agentliyinin baş müfəttişi Tamar Berdzenişvilinin dediyinə görə, müddəti bitmiş ətin tapıldığı obyektin anbarı onlara məlum deyildi və sahibi onu gizlədirdi.

Ət anbarı kritik tələblərə riayət etmədiyi üçün Milli Qida Agentliyi tərəfindən cərimələnib və möhürlənib.