İrakli Kobaxidze Dmanisidə olanlara münasibət bildirdi

"Dmanisidə baş verənlərin heç bir düzgün yanı yoxdur və günahkar cəzalandırılmalıdır".

InterPress.ge xəbər verir ki, bunu "Gürcü Arzusu"nun sədri İrakli Kobaxidze deyib.

"Dmanisidə baş verənlərin heç bir düzgün yanı yoxdur. Bu səbəbdən tək söyləniləcək şey, günahkar cəzalandırılmalıdır. Sahib ola biləcəyimiz yeganə mövqe budur.  Kimin belə bir əməli törətməsinin və hansı partiyanı təmsil etməsinin əhəmiyyəti yoxdur.

Üç ay ərzində heç bir ciddi hadisə baş verməyib. Əlbəttə ki, bu çox ciddi bir qiymətləndirməyə layiqdir. Nəinki bu konkret hərəkətə cavab vermək, həm də bütün bunlara qabaqlayıcı təsir göstərmək və gələcəkdə təkrar edilməməsi üçün qanuna uyğun tədbirlər görmək lazımdır", - deyib Kobaxidze.