Davit Şerazadişvili gənclərlə görüşdü

"Gürcü Arzusu"nun Bolnisi bələdiyyəsi merliyinə namizədi Davit Şerazadişvili, sakrebulonun majoritar namizədi Qia Basilaşvili ilə birlikdə Aşağı Kazretidə yaşayan gənclərlə görüşüb.

Bu barədə InterPress.ge-yə Şerazadişvilinin mətbuat xidmətindən məlumat verilib.

Davit Şerazadişvili həyata keçirilən layihələrdən və gələcək planlardan danışıb.  O, gənclərin qərar qəbul etmə prosesində iştirak etməsinin vacib olduğunu qeyd edib.

"Kazretidə yaşayan gənclərlə çox maraqlı və səmimi görüşüm oldu.
Gənclərlə ünsiyyət qurmaq və fikirlərini bölüşmək bizim üçün vacibdir. Onların təşəbbüslərini və layihələrini dəstəkləməyə hər zaman hazırıq", - deyib Davit Şerazadişvili.