Təhsil naziri müəllimləri və şagirdləri təbrik etdi

"Dərs ilinin başlaması münasibətilə şagirdləri, müəllimləri, lektorları, bütün akademik məkanı təbrik edirəm. Bu il pandemiya səbəbindən dərs ili distant formatda başlayır, lakin bu, müvəqqətidir".

InterPress.ge xəbər verir ki, bunu təhsil naziri Mixeil Çxenkeli söyləyib.

O deyib ki, hər bir şagirdin təbii məktəb mühitinə qayıtması üçün müəllimləri, şagirdlərin valideynlərini və bütövlükdə cəmiyyəti sağlamlıq sahəsindəki tövsiyələrə ciddi riayət etməkdə birləşdirmək lazımdır.

"Bu gün "teleməktəb" adlı, distant təhsil metodları arasında ən önəmli yerlərdən birini tutan, son dərəcə əhəmiyyətli, beynəlxalq səviyyədə tanınmış bir layihəyə başlayır.

Bildiyiniz kimi, fərqli yanaşma anlayışımız olacaq, yəni 4 oktyabrda yoluxma nisbətinin 4%-dən aşağı olacağı şəhər və kəndlərdə məktəblər, peşə məktəbləri və ali təhsil müəssisələri davamiyyətli təhsil formatına keçə biləcəklər. Buna nail olmaq üçün cəmiyyəti səhiyyə sahəsindəki tövsiyələrə ciddi riayət etməkdə birləşdirmək lazımdır. Burada müəllimlərin və şagirdlərin valideynlərinin peyvənd edilməsi məsələsini xüsusilə vurğulamaq istərdim. Bu, uşaqlarımızın təhsilini təbii mühitdə, yəni sinifdə davam etdirməsinə imkan verəcək.

Birinci sinif şagirdləri ilə bağlı vacib bir qərar verdik. Pedaqoji baxımdan birinci sinif şagirdlərinin ilk məktəb təcrübələrini, ilk dərslərini təbii məktəb mühitində aparmaları son dərəcə vacibdir. Buna görə, birinci sinif şagirdləri 4 oktyabr tarixində yoluxma nisbətinin 4%-dən aşağı olacağı məktəblərdə davamiyyətli formatda təhsil almağa başlayacaqlar. Hamınıza səmimi qəlbdən cansağlığı və uğurlar arzulayıram", - Çxenkeli Təhsil Nazirliyinin yaydığı müraciətdə deyib.