Marina Endeladze: "Epidemioloji vəziyyət yaxşılaşdı, ağır pik hədd keçdi"

"Epidemiloji vəziyyətin yaxşılaşdığını görürük, ağır pik hədd keçdi, ancaq bu cür balaca ölkə üçün mövcud yoluxma riski böyükdür".

InterPress.ge xəbər verir ki, bunu Tbilisi Yoluxucu Xəstəliklər Xəstəxanasının şöbə müdiri Marina Endeladze deyib.

Onun sözlərinə görə, aşılama sürətini artırmaq və əhalinin tövsiyələrə əməl etməsi vacibdir.

"Çox diqqətli olmasaq, aşılama nisbətini artırmasaq və qaydalara düzgün əməl etməsək, beşinci dalğanın ola biləcəyinə dair təhlükə və fikir var. Düşünürəm ki, tədricən aşılananların sayı artacaq və ümid edirəm ki, beşinci dalğa dördüncü qədər ağır olmayacaq", - Endeladze deyib.