Daxili İşlər Nazirliyi bəyanat yayır
Daxili İşlər Nazirliyi, Gürcüstan Bankının Ğvarelidəki filiallarından birinə hücumla bağlı rəsmi məlumat yayıb.
InterPress.ge məlumatı dəyişməz olaraq təqdim edir:
"İstintaq müəyyən etdi ki, silahlı şəxs, günün ikinci yarısında Ğvarelidə, Çavçavadze küçəsindəki Gürcüstan Bankının filialına girib və külli miqdarda pulu mənimsəmək məqsədilə 13 nəfəri girov götürüb.
Müvafiq polis bölmələri dərhal hadisə yerinə cəlb olundu və əməliyyat-istintaq tədbirlərinə başlanıldı.
Daxili İşlər Nazirliyinin nümayəndələri ilə hücum edən şəxs arasında aparılan danışıqlar nəticəsində Ş.M tədricən bütün girovları azad etdi, bundan sonra hüquq-mühafizə orqanları onu təqsirləndirilən şəxs qismində saxladı.
Hadisə nəticəsində xəsarət alan olmadı.
Hadisə Gürcüstan Cinayət Məcəlləsinin 236, 323 və 329 -cu maddələri ilə araşdırılır".
