Bankda olan bütün girovlar azad edildi - SON VƏZİYYƏT

Gürcüstan Bankının Ğvareli şöbəsində, hazırda yalnız banka silahlı hücum edən şəxs var - bütün girovlar artıq azaddır və hüquq -mühafizə orqanları onları təhlükəsiz yerə aparıblar.

InterPress.ge xəbər verir ki, hücum edən şəxs saat 15:00 radələrində banka girərək girovlar götürüb.  

Təsdiq edilməmiş məlumatlara görə, o yarım milyon lari tələb edib.

Polis əməkdaşları dərhal hadisə yerinin ətrafını mühasirəyə alıblar. Hazırda orada səfərbər olan hüquq -mühafizə orqanları bütün zəruri və təcili tədbirləri görür, istintaq və əməliyyat tədbirləri davam etdirilir.

Daxili İşlər Nazirliyi media nümayəndələrini təhlükəsizlik qaydalarına riayət etməyə və polisin göstərişlərinə əməl etməyə çağırır.