Davit Şerazadişvili: "İnsanlar və onların qeydinə qalmaq siyasi komandamız üçün ən vacib şeydir"

"Gürcü Arzusu"nun Bolnisi merliyinə namizədi Davit Şerazadişvili, seçki kampaniyası çərçivəsində Gre, Xaxalagvari və Cipori kəndlərində əhali ilə görüşüb.

Bu barədə InterPress.ge-yə mer namizədi Şerazadişvilinin mətbuat xidmətindən məlumat verilib.

Yuxarıda adı çəkilən kəndlər dağlıq qəsəbə statusuna malikdir və yerli əhali dövlətin verdiyi sosial paketdən istifadə edir.

Kəndlərin qazlaşdırılması, daxili yolların təmir edilməsi və xarici işıqlandırma ilə təmin olunması xüsusilə diqqət çəkir.

"İnsanlar və onların qeydinə qalmaq siyasi komandamız üçün ən vacib şeydir. Kənddə və ya şəhərdə hər bir vətəndaş üçün ən yaxşı sosial mühiti yaratmaq üçün hər şey edəcəyik", -Davit Şerazadişvili qeyd edib.