Gürcüstanda koronavirusdan ölüm hallarında növbəti rekord qeydə alındı

Gürcüstanda yeni növ koronavirusa (COVID-19) son 24 saat ərzində 3 212 yeni yoluxma halı qeydə alınıb.

InterPress.ge xəbər verir ki, bu barədə məlumatı Milli Xəstəliklərə Nəzarət Mərkəzi yayıb. 

Bununla da ölkədə virusa yoluxanların ümumi sayı 556 909 nəfərə çatıb.

Sağalanların sayına gəldikdə isə, ölkədə son 24 saat ərzində 5 017 sağalma qeydə alınaraq ümumi sağalanların sayı 502 534 nəfər təşkil edib.

Eyni zamanda bildirilir ki, bu gün koronavirusdan daha 81 nəfər ölüb və ölənlərin ümumi sayı 7 563 nəfər təşkil edib.