Gürcüstanda koronavirusdan ölənlərin sayı artdı - RƏSMİ

Gürcüstanda koronavirusdan ölənlərin sayı yeddi nəfərə çatdı.

InterPress.ge xəbər verir ki, bu barədə məlumat hökumət tərəfindən yaradılan stopcov.ge saytında yerləşdirilib.

Tbilisi Dövlət Tibb Universitetinin Birinci Universitet Klinikasının direktoru Lali Turdzeladze verdiyi məlumata görə, ölən kişinin 83 yaşı var.

Onun sözlərinə görə, xəstədə ağır bir xroniki xəstəlik var idi.

Məlumatda eyni zamanda qeyd olunur ki, ölkədə koronavirusa yoluxanların sayı 566 nəfərdir. Onlardan 207-si sağalıb.

Hazırda karantində 5320 nəfər, xəstəxananın nəzarəti altında iə 548 nəfər var. Bundan əlavə üç nəfər Gürcüstan vətəndaşı müalicə üçün xaricdən gətirilib.