Bu gündən Gürcüstanda havanın temperaturu əhəmiyyətli dərəcədə yüksələcək

Gürcüstanda havanın temperaturu avqustun 30 -dək 39 dərəcəni keçəcək.

InterPress.ge xəbər verir ki, bu barədə Milli Ətraf Mühit Agentliyi məlumat yayır.

27-30 avqust tarixlərində Gürcüstanda havanın temperaturu əhəmiyyətli dərəcədə yüksələcək. Qərbi Gürcüstanda hava istiliyi 39 dərəcəni, şərqi Gürcüstanda 38 dərəcəni keçə bilər.

Eyni zamanda, 29-30 avqust tarixlərində Qara dənizin sahil bölgələrində, Yuxarı İmeretidə, Kolxeti ovalıqlarında və Qori-Surami hissəsində şərqdən güclü külək əsəcək. Yüksək hava istiliyi və güclü küləklər meşə yanğınlarına səbəb ola bilər.