Sinoptiklər açıqladı - Bu tarixlərdə Gürcüstanda yüksək tempraturda istilər olacaq

27-30 avqust tarixlərində Gürcüstanda havanın temperaturu əhəmiyyətli dərəcədə yüksələcək.

InterPress.ge xəbər verir ki, bu barədə Milli Ətraf Mühit Agentliyi məlumat yayıb.

Qərbi Gürcüstanda hava istiliyi 39 dərəcəni, şərqi Gürcüstanda 38 dərəcəni keçə bilər.

29-30 avqust tarixlərində Qara dəniz sahil bölgələrində, Yuxarı İmereti, Kolxeti ovalığında və Qori-Surami hissəsində şərqdən güclü külək əsəcək. Yüksək hava istiliyi və güclü küləklər meşə yanğınlarına səbəb ola bilər.