Qamğrelidze: "Daha da sərt məhdudiyyətlər tətbiq etməmək üçün hamımız..."
"Epidemioloji vəziyyət olduqca çətin və ağırdır. Gündəlik yoluxma hallarının sayı 4000-5000 arasında dəyişir. Bu gün ilk dəfə 4000-dən aşağı endi, amma bu heç bir şey ifadə etmir. Bildiyiniz kimi, şənbə və bazar günləri yoluxma sayı bir qədər aşağı olur".
InterPress.ge xəbər verir ki, bu barədə Xəstəliklərə Nəzarət Mərkəzinin rəhbəri Amiran Qamğrelidze bildirib.
O bildirib ki, son bir neçə gündə sabitləşmənin çox kiçik əlamətləri müşahidə olunub.
"Baxaq, önümüzdəki iki həftəni müşahidə edək, əgər bu sabitləşmə davam edərsə, bu o deməkdir ki, tədricən zirvə həddini keçirik. Yüksək ölüm nisbətləri ilk növbədə halların sayına bağlıdır. Halların sayı nə qədər çox olarsa, ölüm nisbəti təxminən 1-1,5% olur. Eyni zamanda, epidemiya yalnız bütün tövsiyələrə və qaydalara ciddi riayət edildikdə sabitləşəcək. Bu o deməkdir ki, qapalı və açıq məkanda maska taxmalıyıq. Bütün bunlara baxmayaraq, bu gün yenə də bu qayda pozulur, hətta açıq məkanlarda da maska taxmırlar. Hamımız məsafəni qorumaq, böyük məclislər, görüşlər təşkil etməməyə diqqət etməliyik. Daha da sərt məhdudiyyətlər tətbiq etməmək üçün hamımız bu qaydalara əməl etməyə çalışmalıyıq", - Qamğrelidze deyib.
Eyni zamanda, Amiran Qamğrelidzenin sözlərinə görə, səhiyyə sisteminə təzyiq çox yüksəkdir.
"Bu gün ölkədə 59 659 aktiv xəstə var ki, onlardan 7400 -ə qədəri stasionarda, qalanları isə kovid otellərdədir. 49 minə qədər insan evdə müalicə olunur. Səhiyyə sisteminə təzyiq son dərəcə yüksəkdir, buna görə də sahə xəstəxanaları bu vəziyyəti müəyyən dərəcədə yüngülləşdirməyin bir yoludur. Oraya orta ağırlıqdakı insanlar yerləşdirilir. Bu müəyyən triyajdır, əgər oradakı insanlar yaxşı olarsa, bu zaman binada müalicəyə keçirilir, əgər pis olsalar, o zaman boş yeri olan xəstəxanaya köçürülürlər. Bu gün xəstəxanalarda yerlərin sayı çox məhduddur. İlk dəfə sağalma sayı yoluxmuş insan sayını keçdi, bu da xəstəxaya yerləşdirmənin bir qədər azalmasına dair yaxşı işarədir. Tibb işçiləri fiziki, zehni və psixoloji cəhətdən yorulublar", - Amiran Qamğrelidze söyləyib.
