Gürcüstanda koronavirusa yoluxma statistikası kritik olaraq davam edir - SON VƏZİYYƏT

Gürcüstanda yeni növ koronavirusa (COVID-19) son 24 saat ərzində 4 743 yeni yoluxma halı qeydə alınıb.

InterPress.ge xəbər verir ki, bu barədə məlumatı Milli Xəstəliklərə Nəzarət Mərkəzi yayıb. 

Bununla da ölkədə virusa yoluxanların ümumi sayı 506 040 nəfərə çatıb.

Sağalanların sayına gəldikdə isə, ölkədə son 24 saat ərzində 3393 sağalma qeydə alınaraq ümumi sağalanların sayı 440 370  nəfər təşkil edib.

Eyni zamanda bildirilir ki, bu gün koronavirusdan daha 59 nəfər ölüb və ölənlərin ümumi sayı 6 649 nəfər təşkil edib.