Bu şəxslər üçün artıq bu ödənişli olacaq

"Dövlət tərəfindən müəyyən fasilələrlə test edilən qruplar peyvənd olunmasalar, onlar üçün test ödənişli olacaq".

InterPress.ge xəbər verir ki, bu barədə Milli Xəstəliklərə Nəzarət Mərkəzinin rəhbəri Amiran Qamğrelidze bildirib.

Amiran Qamğrelidzenin İdarələrarası Koordinasiya Şurasının iclasından sonra bildirdiyinə görə, təşəbbüsün sentyabrın 15 -də qüvvəyə minməsi planlaşdırılır.

"Bildiyiniz kimi, test pandemiya idarəçiliyinin əsas üsullarından biridir və dövlət buna çox pul xərcləyir. Son bir ayda gündəlik orta hesabla 38 min test nisbətimiz var. Sentyabrın 15 -dən etibarən, dövlət tərəfindən vacib şəkildə testdən keçirilən əsas qrupların, iki dəfə peyvənd edilmədikləri təqdirdə, artıq dövlətin maliyyəsi ilə testdən keçirilməyəcəyini düşünürük. Onlar yenə də testdən keçməli olacaqlar.  İki dəfə peyvənd olunsalar, o zaman dövlət onları yenidən maliyyələşdirəcək, ancaq iki dəfə peyvənd olunmasalar, ya işəgötürən, ya da özləri test pulunu ödəməli olacaqlar. Dövlət onlara peyvəndin pulsuz verilməsini təmin edir. İşəgötürənin və ya işləyənin öz xərci ilə testdən keçirilməsi məsələsi gündəmə gələcək. Bu təkliflər təqdim olunub. Bu qruplar bunlardır:  həkimlər, ancaq ön cəbhədə olduqları üçün, yəqin ki, onlara istisnalar olacaq. Ticarət mərkəzlərində və mağazalarda çalışan işçilər, müəllimlər, polis məmurları və s.", - deyib Qamğrelidze.

Eyni zamanda, onun sözlərinə görə, sentyabr ayından etibarən, yalnız aşılanmış və ya əvvəlcədən test edilmiş vətəndaşların müəyyən ictimai və böyük müəssisələrə qəbul edilməsi təşəbbüsü nəzərdən keçiriləcək.

"Bu, bizim tərəfimizdən kəşf edilən velosiped deyil, beynəlxalq təcrübəni bilirik. Müxtəlif ictimai, xüsusi, böyük müəssisələrə yalnız iki dəfə aşılanmış, 24 saatlıq antigen testindən keçmiş, son 72 saat ərzində PISAR testindən keçmiş və ya son altı ayda kovid keçirmiş şəxslərin girməsinə dair bütün dünyada tövsiyələr qəbul edilib. Bunu şuranın əvvəlki iclasında da təqdim etdik. Sentyabr ayında bu məsələni müzakirə edəcəyimizi düşünürük. Sabah qüvvəyə minməsinə qərar versək, tamamilə haqlı olmayacağıq, ona görə də bu məsələ üzərində işlədiyimizi bəyan edirik", - söyləyib Amiran Qamğrelidze.