Tbilisidə bütün ictimai nəqliyyatın hərəkəti bu tarixdən dayanır

Tbilisi meriyası İdarələrarası Koordinasiya Şurasının 14 avqustdan etibarən bələdiyyə nəqliyyatının məhdudlaşdırılması ilə bağlı açıqlamasına münasibət bildirib.

InterPress.ge məlumatı dəyişməz olaraq təqdim edir: 

"İdarələrarası Koordinasiya Şurasının qərarına əsasən, bu il avqustun 14 -dən sentyabrın 4 -dək Tbilisi bələdiyyə nəqliyyatının hərəkətinə məhdudiyyət tətbiq ediləcək.

Bu müddət ərzində bələdiyyə avtobusları və Tbilisi metrosu, həmçinin mikroavtobuslar və kanat sərnişinlərə xidmət göstərə bilməyəcək. Şuranın qərarına görə, məhdudiyyət şəhərlərarası nəqliyyata təsir etməyəcək.

Tbilisi Nəqliyyat Şirkəti yaranan narahatlığa görə üzr istəyir".