Gürcüstanda avqust ayının 15-dək olan hava proqnozu açıqlandı: Yağış, dolu, külək...

Avqustun 13-ü günün sonundan avqustun 15-i səhərədək Gürcüstanda arabir yağış yağacağı, bəzi yerlərdə güclü olacağı gözlənilir.

InterPress.ge xəbər verir ki, bu barədə Milli Ətraf Mühit Agentliyi məlumat yayır.

 Bildirilir ki, gözlənilən yağışla birlikdə Gürcüstanın bəzi yerlərində dolu olacağı, güclü külək və dənizdə 2-3 bal gücündə fırtına olacağı gözlənilir.

Məlumatına görə, gözlənilən güclü yağışlar Gürcüstanın kiçik çaylarında daşqınlara və ölkənin dağlıq ərazilərində sürüşmələrə səbəb ola bilər.