Baş nazir ölkənin kilidlənməsi ilə bağlı suala bir daha aydınlıq gətirdi
"Ölkə 2 milyondan artıq doza vaksin idxal etdi, bir ay ərzində ümumilikdə 3 milyondan çox peyvəndimiz olacaq, bu halda ölkəni yenidən kilidləmək tamamilə əsassızdır".
InterPress.ge xəbər verir ki, bu barədə Gürcüstanın Baş naziri İrakli Ğaribaşvili Maliyyə Nazirliyinin 10 illik fəaliyyət planının təqdimatında bildirib.
Hökumət başçısının qeyd etdiyinə görə, hökumət iqtisadiyyatı dayandırmayacaq, çünki bu yanlış yoldur.
"Qətiyyətli bir şəkildə qərar verdik və dedik ki, ölkəyə 2 milyon dozadan çox peyvənd gətirildi, bir ay ərzində ümumilikdə 3 milyondan çox peyvəndimiz olacaq və bu halda ölkəni yenidən bağlamaq tamamilə əsassızdır. İqtisadiyyatı dayandırmayacağıq, çünki bu yanlış yoldur. Vaksinasiya birbaşa ölkəmizin yüksək iqtisadi inkişafı ilə bağlıdır.
Son günlərdə aşılama sürətinin artdığını gördük. Dünən 20.000 nəfər aşılandı, amma bu kifayət deyil, hədəfə çatmaq üçün hər gün daha da çox aşılama həyata keçirməliyik. Bizim vəzifəmiz yaxın 2-3 ay ərzində üç milyon insanı aşılamaqdır ki, bu da ölkədə yüksək iqtisadi artım tempini saxlamağa, ölkəni bir daha dayandırmamağa, bağlamamağa və keçən ilki kimi nəticələrə sahib olmamağa imkan verəcək", - deyib Baş nazir.
Hökumət başçısının sözlərinə görə, virus kilidləməklə məğlub edilə bilməz və virusla mübarizə üçün əsas yol peyvənddir. Baş nazir bir daha əhalini peyvənd olunmağa çağırıb.
"Virusu kilidləməklə məğlub edə bilməyəcəyik, bunu müvəqqəti olaraq təxirə sala bilərik, nəticə etibarilə virusu aşılama məğlub edəcək. Bir daha əhalimizdən aşılamada fəal iştirak etmələrini xahiş edirəm. Bir çox yalan məlumatlar yayılır. Müxtəlif vasitələr, sosial media, televiziya vasitəsi ilə həddən artıq doğrulanmamış məlumatlar yayılır. Peyvənd kimi bu bənzərsiz vasitəni və çıxış yolunu yaradan elm adamlarına və elmə inanmalıyıq.
Ümumiyyətlə, ölkə çox müsbət dinamikaya malikdir. Biznes sektorununu nümayəndələri də burada iştirak edir və mən bilirəm ki, onların əhval -ruhiyyəsi də müsbətdir. Ölkədəki dinamikamız təsadüfi deyil. Onu saxlamaq və daha da gücləndirmək lazımdır. Hökumət makroiqtisadi sabitliyi qorumaq və gücləndirmək üçün əlindən gələni edir. Əsas problem xarici borcları azaltmaq, cari kəsiri azaltmaq və ümumiyyətlə bu prosesi idarə etmək olacaq ki, bunu da effektiv şəkildə bacaracağıq ",- İrakli Ğaribaşvili bildirib.
