Baş nazir yenidən əhaliyə çağırış etdi

"Əhaliyə bir daha xatırlatmaq istərdim ki, bu vəziyyətdə əsas çıxış yolumuz peyvənddir".

InterPress.ge xəbər verir ki, bunu hökumət iclasında İrakli Ğaribaşvili deyib.

"Buna görə də fürsətdən istifadə edərək əhalini bir daha peyvənd olunmağa çağırmaq istərdim. Artıq aşılama sahəsini maksimum dərəcədə genişlətdik, aşılama punktları əlavə edirik. Peyvəndi əhaliyə çatdırmaq üçün bütün bələdiyyələri, bütün kəndləri addım -addım gəzmək istəyirik. Əlbəttə ki, düzgün ünsiyyət lazımdır. Bunun tamamilə təhlükəsiz olduğunu əhaliyə izah etməliyik. Keçən həftə dediklərimi təkrar etmək istəyirəm ki, min yalan yayan bəzi dezinformatorlara deyil, elm adamlarına inanaq", - deyib Ğaribaşvili.