Tbilisidə turist qadının cəsədi tapıldı
Daxili İşlər Nazirliyinin əməkdaşları bir neçə saat davam edən intensiv axtarış və istintaq tədbirləri nəticəsində Mtatsminda yamacında ölü qadın tapıblar.
InterPress.ge xəbər verir ki, ölən qadın Avstraliyalı olub.
Bildirilir ki, xarici ölkə vətəndaşı bu il iyulun 30-da itkin düşüb. Daxili İşlər Nazirliyinin əməkdaşları bildirişi aldıqdan sonra Mtatsminda yamacında axtarış tədbirlərinə başlayıb. Axtarışa Kriminal Polis, Fövqəladə Hallar İdarəsi və Xüsusi Tapşırıqlar Departamentinin əməkdaşları cəlb edilib. Eyni zamanda Axtarış işlərinə Ekspert Məhkəmə Ekspertizasının Kinologiya Xidməti də cəlb edilib.
“Tbilisi Polisi Gürcüstan Cinayət Məcəlləsinin 143 -cü maddəsi ilə qanunsuz olaraq azadlıqdan məhrum etmə faktı ilə bağlı istintaqa başlayıb. Müvafiq ekspertizalar təyin ediləcək, bütün zəruri əməliyyat və istintaq tədbirləri görüləcək ", - Daxili İşlər Nazirliyinin açıqlamasında deyilir.
