Açıqlama verildi - Rusiya ilə Gürcüstan arasında uçuşlar bərpa oluna bilər

"Rusiya Gürcüstanla hava nəqliyyatının bərpasını müzakirə etməyə hazırdır".

InterPress.ge xəbər verir ki, bunu Xarici İşlər Komitəsinin rəhbəri Qreqori Karasin jurnalistlərə deyib.

"Biz bu məsələni (hava nəqliyyatının bərpası) müzakirə etməyə hazırıq. Düşünürəm ki, gec -tez bu məsələ öz həllini tapacaq", - Karasin bildirib.

O, qərarın konkret tarixini deyə bilməyib. Karasin, Gürcüstan Baş nazirinin xüsusi nümayəndəsi Zurab Abaşidze ilə üz-üzə görüşün sentyabr-oktyabr aylarında baş tutacağına ümid etdiyini bildirib, lakin onun sözlərinə görə, görüş yeri hələ razılaşdırılmayıb.

"Hər şey pandemiyadan asılıdır", - deyib Karasin.