Gürcüstanda koronavirusla bağlı son STATİSTİKA

Gürcüstanda yeni növ koronavirusa (COVID-19) son 24 saat ərzində 3141 yeni yoluxma halı qeydə alınıb.

InterPress.ge-nin xəbərinə görə, bu barədə Milli Xəstəliklərə Nəzarət və Xalq Sağlamlığı Mərkəzi məlumat yayır.

Bununla da ölkədə virusa yoluxanların ümumi sayı 410 830 nəfərə çatıb.

Sağalanların sayına gəldikdə isə, ölkədə son 24 saat ərzində 1509 sağalma qeydə alınaraq ümumi sağalanların sayı 377597 nəfər təşkil edib.

Eyni zamanda bildirilir ki, bu gün koronavirusdan daha 20 nəfər ölüb və ölənlərin ümumi sayı 5751 nəfər təşkil edib.