Gürcüstanda son sutkada koronavirusa yoluxma sayı açıqlandı

Gürcüstanda yeni növ koronavirusa (COVID-19) son 24 saat ərzində 2 415 yeni yoluxma halı qeydə alınıb.

InterPress.ge-nin xəbərinə görə, bu barədə Gürcüstan hökumətinin koronavirusla mübarizə çərçivəsində yaratdığı xüsusi internet saytında bildirilib.

Bununla da ölkədə virusa yoluxanların ümumi sayı 393 360 nəfərə çatıb.

Sağalanların sayına gəldikdə isə, ölkədə son 24 saat ərzində 943 sağalma qeydə alınaraq ümumi sağalanların sayı 368 073 nəfər təşkil edib.

Eyni zamanda bildirilir ki, bu gün koronavirusdan daha 26 nəfər ölüb və ölənlərin ümumi sayı 5 518 nəfər təşkil edib.

Qeyd edək ki, son 24 saat ərzində 37 627 test aparılmışdır. Bunlardan 21 135 -i sürətli antigen testi 16 492-si isə PCR testidir.