Daha bir məmur səbəbini açıqlayaraq "Gürcü Arzusu" və vəzifəsindən ayrıldı

Kvemo Kartlidə Dövlət Naziri Aparatının nümayəndəsi Ayaz Məmmədov istefa edib.

InterPress.ge xəbər verir ki, bu barədə Məmmədov Facebook səhifəsində yazıb.

"Nəzərinizə çatdırmaq istəyirəm ki, bu gün öz istəyimlə şəxsi ərizəmin əsasında Barışıq və Vətəndaş Bərabərliyi Məsələləri üzrə Dövlət Nazirliyinin Kvemo Kartli bölgəsi üzrə müşavirliyi vəzifəsindən istefa verdim.

Istefamın bir çox səbəbləri var və ən əsası hazırkı hakimiyyətin son zamanlar yürütdüyü siyasət və sistemlə fikirlərimin uyğunlaşmamasıdır", - Məmmədov Facebook səhifəsində yazıb.

Ayaz Məmmədovun bundan sonra hansısa bir siyasi partiyaya qoşulub-qoşulmayacağı məlum deyil. O, hələlik bu barədə şərh verməyib.