Gürcüstanda ailə üzvlərini və qohumlarını öldürən şəxs saxlanıldı

Təxminən bir ildir axtarışda olan 57 yaşlı Kaxeti sakini qəsdən adam öldürmə ittihamı ilə tutuldu.

InterPress.ge xəbər verir ki, bu barədə bu gün Gürcüstan Daxili İşlər Nazirliyinin mətbuat xidmətindən məlumat verilib.

İstintaq müəyyən edib ki, 3 may 2019-cu ildə Sagareco bölgəsinin Kandaura kəndində bir nəfər odlu silahla bir neçə qohumunu və ailə üzvünü ölümcül yaralayıb. Hadisəyə səbəb ailə münaqişəsi olduğunu bildirilir.

20 iyun 2019-cu ildə təqsirləndirilən şəxs axtarışa verilmişdi. Polis 10 ay sonra onu evində saxladı.

Faktla bağlı istintaq davam edir. Saxlanılan şəxsi 13 ildən 17 ildək həbs cəzası gözləyir.

Qeyd edək ki, 3 may 2019-cu ildə Kandaura kəndində 4 nəfər ölümcül yaralanmışdı. Mayın 5-də 85 yaşlı Omar Gamkrelidze qətl ittihamı ilə saxlanıldı. Oğlu Nodar Qamkrelidze bu müddət ərzində axtarışda idi.

Əvvəlcə müstəntiqlər Omar Gamkrelidzenin tək başına oğlu, gəlini, qonşusu və onun oğlunu öldürdüyünü güman edirdilər. Daha sonra məhkəmə-tibbi ekspertiza dörd nəfərin öldürülməsinin iki fərqli odlu silahdan həyata keçirildiyini təsdiqlədi. Bu vaxta kimi onlardan yalnız biri hadisə yerindən ələ keçmişdi.