İrakli Ğaribaşvili Avropa Şurasının Prezidenti ilə görüşdən sonra açıqlama verdi

"Avropa Şurasının Prezidenti Şarl Mişel ilə çox səmərəli görüş keçirildi".

InterPress.ge xəbər verir ki, bu barədə Gürcüstanın Baş naziri İrakli Ğaribaşvili məlumat verib.

Ğaribaşvilinin dediyinə görə, ilk növbədə Şarl Mişelə Gürcü Arzusunun üzərinə götürdüyü öhdəlikləri necə yerinə yetirdikləri barədə məlumat verib.

“Hər şeydən əvvəl demək istəyirəm ki, bu gün çox vacib bir gündür. Bildiyiniz kimi, Gürcüstanda, Batumidə çox vacib qonaqlarımız var. Prezident Mişelin səfəri ölkəmiz üçün son dərəcə vacibdir. Ukrayna və Moldova Prezidentləri də bizi ziyarət etdilər. Bu gün üçlü formatda regional əməkdaşlığımızı və hər üç ölkənin gündəmindəki məsələləri birlikdə müzakirə edəcəyik.

Prezident Mişellə çox səmərəli söhbətim oldu. Hər şeydən əvvəl ona öhdəlikləri necə yerinə yetirdiyimiz barədə məlumat verdim. Ona dedim ki, motivasiyamız var və bu prosesi izləyirik. Bizim tərəfimizdən bütün öhdəliklər yerinə yetirildi və müqavilədə nəzərdə tutulan şərtlər yerinə yetirilir. Həminçinin dedim ki, qeyd olunan müqaviləni müxalifətin əksəriyyəti imzalamayıb və bu, siyasi vəziyyəti sabitləşdirmək üçün çox böyük bir maneədir. Əsas vəzifəmiz Gürcüstanda sabit vəziyyəti və sülhü qorumaqdır. Bu, Prezident Mişellə paylaşdığımız əsas mesajdır və bununla tamamilə razıyıq“ , - deyə İrakli Ğaribaşvili qeyd edib.