Ukrayna Prezidenti Batumiyə gəldi

Ukrayna Prezidenti Vladimir Zelenski Batumiyə gəlib.

InterPress.ge xəbər verir ki, onu Batumi Beynəlxalq Hava Limanında xarici işlər nazirinin müavini Laşa Darsalia və Acarıstan Hökumətinin sədri Tornike Rijvadze qarşılayıb.

Vladimir Zelenski, Prezident Salome Zurabişvilinin dəvəti ilə Gürcüstana gəlib.

Bu gün Ukrayna Prezidenti 17-ci Batumi Beynəlxalq Konfransı "Avropa İttifaqının cəlbedicilik qüvvəsi və bölgənin çevrilməsi"ndə iştirak edəcək. Bu çərçivədə Şərq Tərəfdaşlığı ilə əlaqəli ölkələrin liderlərinin görüşü keçiriləcək. Tədbiri Baş nazirin müavini, xarici işlər naziri Davit Zalkaliani açacaq.