Sabahdan etibarən bu məhdudiyyətlər qüvvəyə minir

Gürcüstan Hökumətinin "Təcrid və Karantin Qaydalarının Təsdiqinə dair" qərarında dəyişikliklər edilib.

InterPress.ge xəbər verir ki, dəyişikliklərə görə təlimlərdə, konfranslarda və ya seminarlarda iştiraka yalnız PCR testi əsasında icazə veriləcək.

Bundan əlavə, təşkilati formasından və məkanından asılı olmayaraq düşərgə tipli toplantılar məhdudlaşdırılır.

Həmçinin, 18 yaşınadək olan yeniyetmələrin idman turnirləri və məşq sessiyaları bütün iştirakçıların PCR testindən keçməsi halında təşkil edilə bilər.

Baş nazir İrakli Ğaribaşvilinin imzaladığı dəyişikliklər 19 iyulda qüvvəyə minəcək.