Gürcüstanda hökumət bu borcları silir

"2012-ci ildən etibarən bütün fiziki və hüquqi şəxslərin suvarma suyu üçün yığılan borcları silinəcək".

InterPress.ge xəbər verir ki, bu barədə Gürcüstanın Baş naziri Giorgi Qaxaria anti-böhran planının təqdim edərkən bildirib.

O, bildirib ki, qeyd olunan şəxslər meliorasiya xərclərindən 2020-ci il ərzində azad olacaqlar.

"Meliorasiya işlərini dəstəkləmək üçün 2012-ci ildən sonra fiziki və hüquqi şəxslər üçün suvarma suyu ilə bağlı yığılmış vergilərin hamısını ləğv etmək və həm fiziki, həm də hüquqi şəxsləri 2020-ci il ərzində tamamilə ödənişdən azad etmək qərarına gəldik." - Qaxariya dedi.