Kaxa Kaladzenin Bakı səfəri başa çatdı

Tbilisinin merinin Azərbaycana rəsmi səfəri başa çatıb.

InterPress.ge xəbər verir ki, Kaxa Kaladze iki günlük səfər zamanı Bakının Prezidenti, Baş naziri və Bakı meri ilə görüşdü.

Bundan əlavə, Bakı ilə Tbilisi arasında qardaşlaşma memorandumu imzalanmışdır.

"Çox əhəmiyyətli və maraqlı bir səfər oldu. Prezident, Baş nazir, paytaxt rəhbərliyi ilə görüşlərimiz oldu. İlk növbədə qardaşlaşma sənədi imzalandı. Tbilisidə olduğu kimi Bakıda da görüş zamanı Prezident ilə ölkələrimiz arasındakı dostluq münasibətləri, strateji tərəfdaşlıq, Gürcüstan və Azərbaycanın bölgədəki rolu və əhəmiyyəti vurğulandı. Ümumilikdə çox uğurlu bir səfər oldu"- dedi Kaxa Kaladze.

Gürcüstan və Azərbaycan arasındakı münasibətlər Bakı meri tərəfindən də qiymətləndirildi.

"Bizim dostluq və əməkdaşlıq tariximiz var və bu münasibətlər üçün böyük potensialımız var. Qardaşlaşma haqqında bir memorandum imzalanıb, çünki Tbilisi ilə Bakı arasında həmişə dostluq münasibətləri olub. Etnik nümayəndələrimiz hər iki ölkədə yaşayırlar. Azərbaycanlılar Gürcüstanda, gürcülərdə Azərbaycanda yaşayırlar. Aramızda həmişə dostluq və əməkdaşlıq olub. Bu səfər Azərbaycana böyük maraq oyadıb, çünki cənab Kaxa Kaladze burada da populyardır. Mən hiss edirdim ki, o, bir vətənpərvərdir, xalqını sevir və ölkəsinə sadiqdir. Bir çox məsələni müzakirə etdik və düşünürəm ki, bu səfər əlaqələrimizi inkişaf etdirmək üçün yeni bir təkan verəcək"-dedi Eldar Əzizov.

Bakı-Tbilisi qardaşlaşma memorandumu 13 iyulda imzalanıb. Sənəd paytaxtlar arasında mədəniyyət, incəsənət, turizm, şəhərsalma, ətraf mühit, nəqliyyat, informasiya texnologiyaları, enerji səmərəliliyi, tullantıların idarə olunması, gənclərlə iş və idman, habelə ticarət və biznes sahələrində məlumat və təcrübə mübadiləsi yolu ilə əməkdaşlığın gücləndirilməsini nəzərdə tutur.