Tbilisi və Bakı arasında qardaşlıq memorandum imzalandı

24 illik ortaqlıqdan sonra Tbilisi ilə Bakı arasında qardaşlıq memorandumu imzalanıb.

InterPress.ge xəbər verir ki, bu barədə məlumatı Tbilisi meriyası yayıb.

Memorandumu Tbilisi meri Kaxa Kaladze və Bakı meri Eldar Əzizov imzaladılar.

“Bu gün Tbilisi ilə Bakı arasında imzalanmış qardaşlaşma memorandumu çox vacibdir. Şəhərlərimiz arasında çoxdan mövcud olan bir ortaqlıq var idi. Ümid edirəm ki, memorandum Gürcüstanla Azərbaycan arasında çoxəsrlik münasibətlərin dərinləşməsinə böyük töhfə verəcək. Münasibətlərimizi müxtəlif sahələrdə daha maraqlı və mehriban hala gətirmək üçün şərait yaradacaq"- deyə Kaxa Kaladze məlumat verib.

Memoranduma mədəniyyət, incəsənət, turizm, şəhərsalma, ətraf mühit, nəqliyyat, informasiya texnologiyaları, enerji səmərəliliyi, tullantıların idarə olunması, gənclərlə iş və idman sahələrində əməkdaşlıq, habelə müxtəlif sahələrdə ticarət və işgüzar əlaqələrin dərinləşdirilməsi də daxildir.

“Gürcüstan və Azərbaycan arasında çox yüksək qiymətləndirdiyimiz minillik münasibətlər eləcə də müxtəlif sahələrdə əməkdaşlıq baxımından əldə olunan bir çox uğurlarımız var. İki xalq arasındakı ictimai diplomatiya və dostluq xüsusilə diqqətəlayiqdir.

Bu gün imzaladığımız memorandum əlaqələrimizi daha da gücləndirəcək" deyə Bakı meri Eldar Əzizov qeyd edib.

Tbilisi merinin Bakıya iki günlük rəsmi səfəri bu gün başlayıb. Səfər zamanı müxtəlif formatlarda yüksək səviyyəli görüşlər planlaşdırılır. Tbilisi meri İlia Eloşvili, Tbilisi meri ilə birlikdə nümayəndə heyətində yer alır.