Döymə və saqqalına görə gənc oğlan döyüldü

Kutaisi Universiteti və Texniki Universitetin dəvət olunmuş müəllimi Nino Qorqadzenin qardaşı döymə və saqqalına görə döyülüb.

InterPress.ge xəbər verir ki, bu barədə Qorqadze sosial şəbəkədə yazıb.

"7 nəfər döymə və saqqalına görə qardaşımı döyüblər. Hadisə 13 saat eşşək kimi işləyib metro ilə evə gələndə baş verib. Məndən gizlətmişdilər, indi bildim. İndi kimə təşəkkür edim? Heç kimdən istintaq tələb etmirəm, anasız-atasızdır, mən böyütmüşəm, onun ağrısı mənim ağrımdır.

Buraya əlavə edəcəm: qardaşım siyasətdən kənardır. Həmçinin tez-tez Svanetidəki monastra gedir, indi siz təsəvvür edin. 3-4 yerdə işləyir və gündə 13-14 saat ayaqda durur", - yazıb Nino Qorqadze.