MSK sədrliyinə iki namizəd seçildi

MSK sədrliyi və üzvlüyünə namizədlərlə müsahibə prosesi başa çatıb.

InterPress.ge xəbər verir ki, 11 nəfərlik müsabiqə komissiyasının qərarına əsasən, sədrin boş qalan vəzifəsinə iki namizəd seçilib: Qiorqi Kalandarişvili və Qiorqi Santuriani.

Qia Çaçaşvili, Ana Mikeladze, Lela Taliuri, Maia Zaridze və Tamara Sartania isə üzvlüyə namizəd olaraq seçilib.

Komissiya iclası gec saatlara qədər davam edib.

Komissiya üzvləri seçilmiş namizədlərin siyahısını prezidentə göndərəcəklər.

Salome Zurabişvili isə üç gün ərzində namizədləri parlamentə təqdim etməlidir.

Namizəd millət vəkillərinin 100 səsini ala bilməməsi halında, üç cəhddən sonra 6 ay müddətinə sadə çoxluqla vəzifəyə təyin ediləcək.