Gürcüstanda koronavirusdan növbəti ölüm hadisəsi qeydə alındı

Gürcüstanda koronavirusdan ölənlərin sayı beşə çatdı.

InterPress.ge xəbər verir ki, bu barədə məlumat hökumət tərəfindən yaradılan xüsusi stopcov.ge saytında yerləşdirilib.

Bildirilir ki, hazırda ölkə üzrə 5160 nəfər karantin rejimindədir, 579 nəfər xəstəxana nəzarəti altındadır.

Məlumata görə, bu günə qədər Gürcüstanda 411 nəfərdə koronavirus infeksiyası təsdiqlənib, onlardan 98-i sağalıb, 5-i ölüb. Eyni zamanda, 3 Gürcüstan vətəndaşı tibbi müalicə üçün xaricdən gətirilib.

Xəstənin ölümü TSMU-nun Birinci Universitet Klinikasında qeydə alınıb.