Gürcüstanda fermerlərə avtomobillə hərəkətə icazə verilib – QAYDALAR

Gürcüstanın bölgələrində fermerlərə avtomobillə hərəkətə icazə verilib.

InterPress.ge NewsBureau saytına istinadən xəbər verir ki, bu barədə ölkənin Fermerlər Assosiasiyasından bildirilib.

Qaydalara əsasən, fermerlər minik maşınlarla səhər saat 06:00-dan 08:00-dək və axşam saat 18:00-dan 19:00-dək hərəkət edə bilərlər.

Kənd təsərrüfatı işlərinin aparılması üçün avtomobillə hərəkətə icazə almaq üçün 144 saylı “qaynar xətt”ə zəng vurmaq tələb olunur.

Əlavə məlumat üçün fermerlər həmçinin Gürcüstanın biznes ombudsmanı (28 28 28) və Ətraf Mühit və Kənd Təsərrüfatı Nazirliyinin 1501 saylı “qaynar xətti”nə də müraciət edə bilərlər.